മലപ്പുറം : 2020ൽ കർണാടകയിലെ കുട്ടയിൽ കൃഷിസ്ഥലത്തിന് സമീപമുള്ള കുളത്തിൽ മരിച്ച നിലയിൽ കണ്ടെത്തിയ ദീപേഷിന്റെ മരണത്തിൽ ദുരൂഹത ആരോപിച്ച് കുടുംബം.
നാട്ടുവൈദ്യനെ കൊലപ്പെടുത്തിയ കേസിലെ പ്രതി ഷൈബിനെതിരെയാണ് ആരോപണം.
ദിപേഷിന്റെ പോസ്റ്റ്മോര്ട്ടം റിപ്പോര്ട്ട് കര്ണാടക പോലീസ് നല്കിയിരുന്നില്ലെന്നും ദീപേഷിന്റെ മാതാവ് പറഞ്ഞു. ഷൈബിന് ദീപേഷിനോട് വൈരാഗ്യമുണ്ടായിരുന്നുവെന്ന് ബന്ധുക്കള് പറയുന്നു.
എട്ടു വര്ഷം മുമ്പ് ബത്തേരിയില് നടന്ന വടംവലി ടൂര്ണമെന്റില് ഷൈബിന് സ്പോണ്സര് ചെയ്ത ടീമിനെ ദീപേഷും സംഘവും തോല്പിച്ചിരുന്നു. ഈ വൈരാഗ്യത്തില് അന്ന് ദീപേഷിനെ ക്വട്ടേഷന് സംഘത്തെ ഉപയോഗിച്ച് ഷൈബിന് തട്ടിക്കൊണ്ടുപോയി. മര്ദിച്ച ശേഷം ഉപേക്ഷിക്കുകയായിരുന്നു. പോലീസില് പരാതി നല്കിയെങ്കിലും രാഷ്ട്രീയ ബന്ധങ്ങള് ഉപയോഗിച്ച് ഷൈബിന് കേസ് ഒതുക്കി തീര്ക്കുകയായിരുന്നുവെന്ന് ദീപേഷിന്റെ ബന്ധുക്കള് ഒരു മാദ്ധ്യമത്തോട് പറഞ്ഞു.
അതേസമയം നാട്ടുവൈദ്യനായ ഷാബ ഷരീഫിനെ കൊലപ്പെടുത്തിയ കേസില് പ്രതി നൗഷാദുമായി പോലീസ് ഇന്നും തെളിവെടുപ്പ് നടത്തുന്നു . ഷൈബിന്റെ വീട്ടില് വിശദമായ പരിശോധന നടത്തിയിരുന്നു. ഈ വീടിന്റെ ഒന്നാം നിലയിലെ രഹസ്യമുറിയില് ഒരു വര്ഷത്തിലധികമാണ് നാട്ടുവൈദ്യനെ തടങ്കലില് താമസിപ്പിച്ചത്. കൊലപ്പെടുത്തിയ ശേഷം മൃതദേഹം കഷണങ്ങളാക്കി പുഴയിലെറിഞ്ഞു. ശേഷം മുറി കഴുകി വൃത്തിയാക്കി. തെളിവുകള് ഇല്ലാതാക്കാനായി ടൈല് ഉള്പ്പടെ പൊളിച്ചുനീക്കിയിരുന്നു. എന്നാല് പൈപ്പില് രക്തക്കറ കണ്ടെത്തിയതായി പോലീസ് അറിയിച്ചു. ഇത് ഷാബയുടേത് തന്നെയാണോയെന്ന് സ്ഥിരീകരിക്കാന് ഡി എന് എ പരിശോധന നടത്തും.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
